Vanilludropar - heimagerðir - uppskrift !

Heimagerðir Vanilludropar eru þeir allra bestu sem finnast, þeir eru líka MEGA einfaldir !

Ég keypti þessi sætu glös í Tekk Companý og miðana í Föndru, ég gerði nokkur svona glös og gaf í jólagjafir síðustu jól og eru nokkrir komnir í áskrift hahah komnir með 2-3 glös og fá alltaf nýtt og nýtt því það þarf að bíða í 3 mánuði eftir að þú býrð þá til og þú getur opnað þá og notað þá, því er fólk með nokkur glös í umferð.

Ég skrifa Vanilludropar öðrumegin og set svo hinu megin daginn sem má byrja að nota þá. T.d ef ég bjó þá til í dag 13.05.13 þá set ég aftan á miðann, "notist eftir 13.08.13" ...

það sem þú þarft í þessa dropa er:

• fallegt glas sem lokast vel
• Arehucas romm ljóst
• Vanillustangir
• sætur miði til að merkja

Ég sker vanillustangirnar í tvennt, sker þær svo langsum svo þær opnist en samt ekki alla leið, skef svo innanúr þeim og set ofan í glasið.
Helli svo vodkanum ofan í og loka.
EKKI hrista glasið eftir að þið eruð búin að búa til vanilludropana.

Með tímanum sjáið þið svo hvernig vökvinn verður alltaf dekkri og dekkri.

Þetta er æðisleg tækifærisgjöf og algjör snilld í baksturinn !

Njótið <3 Þórunn Eva